ማህደር

ማህደር ለ ‘ዜና’ Category

ከምንጩ የደፈረሰው ኅብረት አንዱ ዓለም ተፈራ

August 30th, 2014

ኢትዮጵያዊነት . . . ( ክፍል ፪ ) አንዱ ዓለም ተፈራ

August 29th, 2014

ባለፈው ጽሑፌ ኢትዮጵያዊነት ማለት ምን ማለት እንደሆነ፤ ከልቤ ያማምንበትን በጥቅሉ አስፍሬ ነበር። በዚያ፤ ኢትዮጵያዊያንን መውደድ ማለት፤ ታሪካቸውን፣ ባህላቸውን፣ ቋንቋቸውን፣ መላ የኑሮ ሁኔታቸውን ጨምሮ ማለት ነው። ሀገራችንን ኢትዮጵያን ማፍቀር ደግሞ፤ ዳር ደንበሯ፣ የተፈጥሮ ሀብቷ፣ ወንዞችና ተራሮቿ፣ ደጋ፣ ወይነደጋና ቆላ ምድሯ፣ አራዊቷ፣ የሚለዋወጡ አራቱ የሀገራችን አየር ጠባይ ወቅቶችን ማለት ነው። ሀገር ያለ መንግሥት ችግር ነው። መንግሥት ደግሞ በዚህ በሃያ አንደኛው ክፍለ ዘመን፤ በሕዝብ ፈቃድና ፍላጎት ኃላፊነቱ ተሠጥቶት የሚያስተዳደር ሀገራዊ ተቋም ነው። በዚህ ሂደት መንግሥት፤ ለመረጠው ሕዝብ ተንቆጥቁጦ ሥራውን ያከናውናል። በተገላቢጦሽ ሕዝብ መንግሥቱን ፈርቶ የሚኖርበት ሀገር፤ ለውጥ በሩን እያንኳኳ ነው። የዚህ አስፈላጊ ተቋምና የሕዝቡ ግንኙነት ይህ ነው። እናም ትክክል ሲሆን መደገፍ ሲሣሣት ደግሞ መቃወም፤ የዜጎቹ ግዴታ ነው። ይህን ነበር ያሳየሁ። በዚህ በክፍል ሁለት ደግሞ፤ በተጨባጭ አሁን በኢትዮጵያዊነታችን፤ የወገናችንን እና የሀገራችንን የፖለቲካ ሀቅ በመመርመር፤ ምን ማድረግ አለብን? የሚለውን ኃላፊነታችን በግልፅ አስቀምጫለሁ። ለማንኛውም ክስተት፤ ፍዘት አይሎ መነቃንቅ እምቢ ሲል፤ ትኩረቱ መዞር ያለበት፤ መሠረታዊ የሆነውን ጉዳይ መፈተሽ ላይ ነው። ለኛ ፍዘት ደግሞ፤ መሠረታዊ ጉዳያችን፤ ያለንበትን ሀቅ መመርመር ነው። ይህን በደንብ መርምሮ የወደፊት ኃላፊነታችንን ማቀዱ፤ የቆምንበትን ማደላደል ይሆናል። የዚህ ምርመራና ኃላፊነት ትኩረቱ፤ የትግሬዎች ነፃ አውጪ ግንባር መንግሥት የሚያደርሰውን በደል ወይንም ለውድቀቱ ምኞታችንን መዘርዘር ሳይሆን፤ በውጭ ሀገር የምንገኝ የሕዝብ ወገን ኢትዮጵያዊያን (ካሁን በኋላ ውጪሰው ኢትዮጵያዊያን) ያለንበት ሀቅ፣ የጎደሉን ነገሮችና ማድረግ የሉብን ጉዳዮች ምንድን ናቸው? የሚለው ላይ ነው።
ያለንበት የፖለቲካ ሀቅ፤ Read more…

ዜና

የመጸሃፍት ትችት “እኛና አብዮቱ” በጥበበ ሳሙዔል ፈረንጅ

August 29th, 2014

የኢትዮጵያን አዲስ ዓመት በዓል ታዋቂው ድምጻዊ በሃይሉ አጎናፍር ከዝነኛዋ ቤተልሄም መላኩ ጋር በመሆን ሊያስደስቱዋችሁ ተዘጋጅተዋል!! በቦስተን የኢትዮጵያ አዲስ አመት በዓል ዝግጅት ኮሚቴ

August 29th, 2014

በቦስተን የኢትዮጵያን አዲስ ዓመት በዓል ከመቼውም ግዜ በበለጠ ሁኔታ ለማክበር የበዓል አዘጋጅ ኮሚቴው ዝግጅቱን እያጠናቀቀ መሆኑ ተገለጸ፤ የዝግጅት ክፍላችን ከበዓል ኮሚቴው ባገኘው መረጃ በዚህ አዲስ ዓመት በዓል እስካሁን 8 ስፖንሰር የሆኑ የኢትዮጵያውያን ድርጅቶች ለዝግጅቱ መሳካት ከፍተኛ አስተውጽኦ ያደረጉ መሆኑን ገልጾ፤ በተለይ ይህንኑ አዲስ ዓመት በዓል አስመልክቶ በግል ተነሳሽነት ባለፈው ዓመት በዓል ላይ ለበዓሉ በሬ ለመግዛት ቃል የገቡ ግለሰቦችም ዝግጅታቸውን እያጠናቀቁ ሲሆን በአቡጊዳ ቲቪ፤ በኮሚኒቲ ሬዲዮ እና በተለያዩ ቦታዎች ማስታወቂያዎችን በመለጠፍ እና ሕብረተስቡ በጋራ በዓሉን እንዲያክበር ለማድረግ ከፍተኛ ጥረት እየተደረገ መሆኑን ገልጸዋል። ትኬቶችን ለማግኘት እና ዝግጅቱን በተመለክተ ተጨማሪ መረጃ የሚፈልጉ በስልክ ቁጥር 617 682 5166 ደውለው ማግኘት የሚችሉ ሲሆን ትኬቱ በሐበሻ ምግብ ቤት የሚገኝ መሆኑንም ለማወቅ ችለናል!! በዚሁ አጋጣሚ በቦስተን እና አካባቢዋ ነዋሪ የሆናችሁ ኢትዮጵያውያኖች በበዓሉ ላይ በመገኘት አዲሱን ዓመት በፍቅር እና በደስታ እንድንቀበለው ጥሪያችንን እናስተላልፋለን ሲሉ መልዕክታቸውን ለዝግጅት ክፍላችን ገለጸዋል። የዝግጅት ኮሚቴው ሙሉ የጥሪ መልዕክት፦

በቅድሚያ የማክበር ሰላምታችንን እያቀረብን፤

እንኳን ለመጪው የ2007 አዲስ ዓመት በዓል በሰላም አደረስዎ!!“

እያልን ይህንንው የኢትዮጵያን አዲስ ዓመት በዓል አስመልከቶ በቦስተን የሚኖሩ ኢትዮጵያውያኖች በጋራ፤ በዓሉን በጨዋና በኢትዮጵያዊነት መንፈስ በደመቀ ሁኔታ በየአመቱ እንደሚያከበሩ ይታወቃል። Read more…

ዜና

በጥፍሩም በጥርሱም ለስልጣን የሚተጋ መንግሰት …… እንዴት እንታገለው!! – ከግርማ ሰይፉ ማሩ

August 28th, 2014

በጥፍሩም በጥርሱም ለስልጣኑ የሚተጋን መንግስት በሁሉን አቀፍ ትግል መጣል አለብን ብለው ጠብ መንጃ ቢያነሱ ክፋቱ ምን ላይ እንደሆነ አልታይህም እያለኝ ነው፡፡ ለምን በጠብ መንጃ ፍልሚያ ስልጣን መያዝ እንዳለብኝ በግሌ ባይገባኝም አሁን ግን የኢህአዴግ ዓይነት መንግሰት ከደርግ እንዴት እንደሚሻል ማሰብ እያቃተኝ ነው፡፡ የሰላማዊ ትግል ሰራዊት እንዴት እንገንባ ለሚለው ጥያቄ አፋጣኝ ምለሽ ካልሰጠን በስተቀር መንግሰት በግልፅ እየደገፈ ያለው በጠብ መንጃ ሊገዳደሩ የፈለጉት ነው፡፡ በሰላም ያልነውን ሰላም እየነሳን ይገኛል፡፡ መንግሰት ሆይ ሰላም እንድትሆን ሰላም ሰላም ለምንል ዜጎች ሰላም ሰጠን የምር የቀረበ ጥያቄ ነው፡፡ Read more…

ዜና

የብሔራዊ እርቅና መግባባት ጉዳይ – ዶ/ር ዘለዓለም እሸቴ ይመር

August 28th, 2014

ስለ ብሔራዊ እርቅና መግባባት ጉዳይ አጠር ምጥን ተደርጎ የተዘጋጀውን ባለ አምስት ነጥብ የዳሰሳ ጥናት (survey) ለዚሁ ጉዳይ ሲባል ብቻ ወደ ተዘጋጀው ድህረ ገፅ www.MyEthiopia.com በመሄድ ድምፅዎን ያሰሙ። የዝምተኛው ብዙሃን ድምፅ ጭምር ሳይቀር እስቲ ይሰማ! Read more…

ዜና

አቡጊዳ – አስመራ ያሉ ሶስት ድርጅቶች ለመዋሃድ ተስማሙ !

August 28th, 2014

ዋና መቀመጫቸው አስመራ የሆኑ ፣ ሕወሃት/ኢሕአዴግን በኋይል ለማስወገድ እንቀሳቀሳለን የሚሉ ሶስት ድርጅቶች ለመዋሃድ እንደተስማሙ በጋራ ባወጡት መግለጫ ገለጹ። የትጥቅ ትግል እናደርጋለን የሚሉ ድርጅቶች ይሄን አይነት ስምምነት ሲያደርጉ በአይነቱ የመጀመሪያ እንደሆነ ይነገራል። እንደተባለውም ስምምነቱ በተግባር ዉሎ ድርጅቶቹ ከተዋሃዱ፣ በዚያ አካባቢ ለሚደረገዉ የትጥቅ ትግል ትልቅ እድምታ ሊኖረው እንደሚችል የሚናገሩ ጥቂቶች አይደሉም። Read more…

ዜና

የማለዳ ወግ …የኢቲቪ ” ያልተገሩ ብዕሮች ” ዘጋቢ ፊልምና ያልተገራው አቀራረብ ነቢዩ ሲራክ

August 26th, 2014

ከሁለት ሰአቱ የኢቲቪ ዜና አወጃ ተከትሎ የቀረበውን ” ያልተገሩ ብዕሮች ” ዶክመንተሪ በደረቁ ሌሊት ድጋሜ ስርጭቱ ተከታትየ ጨረስኩት … ላፍታ እንደተጠናቀቀ ዝም ፣ ጭጭ አልኩና በሃሳቤ በህዝብ ገንዘብ ከፍተኛ ወጭ እየተደረገባቸው የሚሰራጩትን የመንግስት የህትመት ጽሁፍና የኤሌክትሮኒክስ መገናኛ ብዙሃንን አሰብኳቸው … በምናብ ብዙ ርቄ ሔጀ በዶደመ ፣ ባልተገራ እና በተባውና በተገራው ብዕር ውስጥ ራሴን አትኩሮት ሰጥቸ የመገናኛ ብዙሃን ውጤቶች በሃሳብ ተመላለስኩባች ! ሰፊ ሽፋን ያለውን ኢቲቪና ራዲዮኑን ፣ በየቀኑ እየታተሙ የሚወጡትን እነ አዲስ ዘመንን ጋዜጣንና የመሳሰሉት እሰብኳቸው …አስቤ አሰላስየ ወደ ደረስኩበት ድምዳሜ ከማቅናቴ በፊት ግን በ”ያልተገሩ ብዕሮች ” ዘጋቢ ፊልም ዙሪያ የታዘብኩትን ቀዳሚ አድርጌ የተሰማኝን ላካፍልዎ ወድጃለሁ… Read more…

ዜና

የማለዳ ወግ … ይድረስ ለ”ጥቁር እንግዳዋ” ፈርጥ ተዋናኝ …ውጭ ጉዳይ ሚኒስትሩን ብሶታችን ንገሪልን ! * ለባህሬኗ ወዳጀ ለአርቲስት እስከዳር ግርማይ

August 25th, 2014

ብርቱ ወዳጀ እስከዳር Esky አንች የብርቱም ብርቱ ሰው መሆንሽን አውቃለሁ ። ከባህሬኑ የስደት ኑሮ ግብግብ ፣ ለወገን ድጋፍ ማድረግና ባህልን ከማስተዋወቅ አልፈሽ ተርፈሽ ” የጥቁር እንግዳን” ፊልም ለዛሬ ያበቃሽ ድንቅ እህታችን ነሽ ። ፊልሙን በቡድን ከማዘጋጀት እስከመተወን ባደረግሽው ድንቅ ጥረት በባህሬን ምድር የክብር ቀይ የክብር ምንጣፍ አስነጥፈሽ ስማችን በረከሰበት የአረብ ሃገር ፊልምሽን ስታስመርቂ የኮራሁት ኩራት ከውስጤ አይጠፋም ። ያንን ስሜት ሌላ ጊዜ አወራዋለሁ … ዛሬ ወደሳበኝ ግስጋሴሽ እና ልታደርሽልኝ ስለምፈልገው መልዕክት ጭብጥ ላምራ … !

ወዳጀ እስከዳር ግርማ ልጆችን ከማሳደግ የአረብ ሃገር ስደት ኑሮን ግብግብ ጋር ታግለሽ ዛሬ “ጥቁር እንግዳ ” የሚለው ከ25 ዓመት በኋላ ወላጆችዋን ፈልጋ ስለተመለሰችው ስለማደጎዋ ልጅ ምስኪኗን ሳራ ሆነሽ የተወንሸው አስተማሪ ፊልም በሃገር ቤት ፊልም መናኘት መታየት በመጀመሩ የተሰማኝን እርካታ ከፍ ያለ ነው። ይህንን በአይነቱ ልዩ የሆነውን በማደጎ ችግር ላይ ያተኮረ ፊልም ስታስተዋውቂ ከበርካታ ታዋቂና ከፍተኛ የመንግስት ኃላፊዎችን የማግኘት እድሉን በማግኘትሽ ደስታ ተሰምቶኛል። ደስታየ ወሰን ያጣውም ከፊልም ማስተዋወቁ በተጓዳኝ በአረቡ አለም እና በቀረው አለም እኛ ስንጮህ አልሰማ ያለውን የጩኸት መልዕክት በቀጥታ ለሹሞቻችን ትነግሪ ታስረጃቸዋለሁ በሚል ነው ። እርግጥ ነው በዋናነት ፊልምሽን ማስተዋወቅ ቢኖርብሽም በአረቡ ስደተኛ ህይወት መልዕክት ሳታስተላልፊ ትቀሪያለሽ አልልም ። መብት ጥበቃው ጎድሎብን ኑሯችን ማክበዱን ፣ ሰቆቃችን መቀጠሉን ታስተላልፊያለሽ የሚል ጽኑ እምነት ቢያድርብኝም አሁን በአደጋ ተከበናልና የወዳጅነቴና ማስታወስ ግድ ብሎኛል !

ወዳጀ ሆይ … በጥረት ትጋትሽ ፣ የብርቱም ብርቱ እየሆንሽ በማየቴ ደስ ቢለኝ በመንገድሽ የስደተኛውን መከራ ታስታውሽ ዘንድ ደጋግሜ ልማጸንሽ ወደድኩ … በተለይ የውጭ ጉዳይ ሚኒስትር ዶር ቴዎድሮስን አድሃኖምን እንዳገኘሻቸው በገጻቸው ካንች ጋር የተነሱትን ፎቶ ስመለከት የተሰማኝ ደስታ የማደንቀው ትጋት ብርታትሽን ነው ። አሁንም ደግመሽ ካገኘሻቸው ግን በፈጣሪ ብለሽ ብየ የምማጸን፣ የማወራሽ መልዕክቴን እና ለስላስ ያደረግኳትን ለእሳቸውና ለሚመሩት የውጭ ጉዳይ መስሪያ ቤት ወቀሳየን አድርሽልኝ ! ስለ አረቡ አለም የዜጎች ስቃይ ሰቆቃ አንችን ቢሰሙሽ በአጽንኦት ንገሪልኝ !

አዎ ከ12 ዓመት በኋላ ከእገታ ስላዳንሻት ፣ ስለታደግሻት የኮንትራት ሰራተኛ እህትን ዋቢ አድርገሽ በአረቡ አለም ስላለው የዜጎች መከራ ከፕሮፓጋንዳ ባለፈ ለዜጎች መብት መከበር የሚቆም የውጭ ጉዳይ መስሪያ ቤት እንደናፈቀን ንገሪልኝ ፣ ስደተኛው ይህ ናፍቆታልም ብለሽ ምሬቱን ንገሪያቸው ! አደራ እህታለም ! ንገሪያቸው ፣ አንችን ከሰሙሽ ተማጸኛቸው !

ዶር ቴዎድሮስ አድሃኖም ያኔ ሳውዲ ላይ ወገን ሲበደል ፣ የበደሉ ብድር መላሽ እንደሆኑ ፎክረው ሳያደርጉት ስለቀሩ “በቀል የእግዚአብሔር ነው!” በሚል ተጽናንተን ትተነው እንጅ ከፍቶናል። የዚያ በደል ቁስል ሳያሽር በኮንትራት ሰራተኞች ላይ በደል ተደጋግሞ ሲፈጸም ተመልክተን በዶር ቴዎድሮስ እና ሳውዲ ውስጥ ያስቀመጧቸው የውጭ ጉዳይ ሃላፊዎችና ሰራተኞች ስለመብታችን መደፈር የፈየዱትን ማየት አልቻልንምባ አዝነን አላበቃንም ። ከሁሉም የሚያስከፋው ካንድም ሁለት ሶስት ጊዜ ራሳቸው ዶር ቴዊድሮስ በአካል ላዩ ፣ ለጎበኟቸው በህግ ማዕቀፍ ወደሳውዲ ለመጡ የኮንትራት ሰራተኛ ግፉአን የፈየዱት ነገር ወደ ሃገራቸው እንዲገቡ ማድረግ እንጅ ለበደላቸው ፍትህ ርትዕ እንዲያገኙ ማድረግ አይደለም። ይህን ባለማድረጋቸው በቅርብ የምናውቅ ፣ አግብቶን የምንቆረቆር ዜጎች አንገታችን መድፋታችን ንገሪልን … !

አሁን አሁን እኔ በግል በነጻነት እጽፍ እናገርበት የነበረው ሃገር ከፍቶብኛል ፣ ለሁለት አስር አመታት እንደ ሃገሬ በነጻነት እንቀሳቀስ የነበረበትን ሃገር ያከፉብኝ ያገሬው ሰዎች ብቻ አይደሉም ! … ሳውዲ ያለውን መከራ ስቅየቱን እየሰማሁ ” የዝሆን ጀሮ ይስጠኝ ” በሚል መረጃ ቅበላው ላይ በአደባባይ መታየቱን አለመሻቴ ቢያምም ከአደጋ ለመጠበቅ የተወሰደ ራስን የመውደድ አሳፋሪ አማራጭ መከተሌ እያሳዘነ እያሳፈረኝ የማጫውትሽ ነገር ቢኖር የውጭ ጉዳይ መስሪያ ቤታቸውና ደጋፊዎቻቸው የወገኖቻችን መከራ ስለተናገርን በአይነ ቁራኛ እያዩን መቸገራችንም ጭምር ነው! ይህንንም ክሽፈት ንገሪያቸው !

ወዳጀ ዛሬም ደፍሬ በደፈናው የምነግርሽ በዚህ ወቅት ከቀናት በፊት በሪያድ የተስተዋለው አሳዛኝ ድርጊት ነው። የዚህ አይነቱ ዘመቻ ወደ ሌሎች ክልሎች እንደሚዛመት ሰምቻለሁ ። በዚህ ዘመቻ “ለህገ ወጦች” ተብሎ የሚጀመረው በእኛ ላይ የገነነው የማጥራት ፣ ማጥቃት ዘመቻ ህጋዊውን ነዋሪ ጭምር በከፋ ፈተና ውስጥ እንዳይጥለው ስጋቴ ከልምድና ተሞክሮ የመነጨ ነውና ይረዱልኝ ዘንድ አሳውቂያቸው ። እናም የውጭ ጉዳይ ሚኒስትር ሃላፊቅም ሆኑ ሹሞቻችን ስለምንዋረድ፣ ስለምነገፋ ስደተኞች ተቆርቋሪነታቸውን ያሳዩን ዘንድ ድምጽሽን ከፍ አድርገሽ እኔንም አንችንም ሁላችንንም ሆነሽ በተበደለው ወገን ስም አሳውቂያታቸው !

አደራ በሰማይ አደራ በምድር !

አክባሪና አድናቂ ወዳጅሽ

ነቢዩ ሲራክ

Sent from Samsung Mobile

——– Original message ——–
From: Nebiyu Sirak
Date:2014/08/08 1:58 AM (GMT+03:00)
To: “Zehabesha. com” ,info@ecadforum.com,info@abugidainfo.com,samson asfaw ,quatero_webmaster@hotmail.com,Bette Mera ,editor@ethsat.com,Golgul/ጎልጉል የድረገጽ ጋዜጣ ,EMF Media ,editor@awrambatimes.com,editor@addisvoice.com,zelalem@maldatimes.com
Subject: የማለዳ ወግ… በፈራረሰችው ጋዛ የጨለመው ተስፋ !

የማለዳ ወግ …በፈራረሰችው ጋዛ የጨለመው ተስፋ !
* በደም ምድሯ የሚንሰራፋው ጥላቻ!

ወር በተጠጋው የእስራኤል ጋዛን የማጥቃት ዘመቻ በአሳር በመከራ የተደረሰው የ 72 ሰዓቱ የጦርነት ማቆም ሊያልቅ የቀሩት ጥቂት ሰአታት ብቻ ናቸው። በእስራኤል የአየር የየብስና የባህር ድብደባ ከ1800 በላይ አብዛኛው የጋዛ ንጹሃን ፍልስጥኤማውያንን ተገድለዋል። ከ 9000 የማያንሱትን ቆሰለዋል። በመቶ ሽዎች የሚቆጠሩ በሃገራቸው ተሰደው ከቀያቸው ተፈናቅለዋል። ጋዛ እንዳልነበረች ሆናለች :(

ይህ ሁሉ ሆኖ ጦርነቱ እንዲያቆም በተደረሰው የ 72 ሰአታቱ የሶስት ቀን የጦርነት ማቆም ስምምነት በቀጣይ ጦርነቱን ለማስቆም በግብጽ ካይሮ በዋናነት ሃማስና ፋታህን በተሳተፉበት የፍልስጥኤም እና በእስራኤል የጦርነት ማቆም ድርድር የተሳካ አይመስልም። ለአልህ አስጨራሹ ድርድር የመክሸፍ ምክንያቶች ፍልስጥኤማውያን “ጋዛ ከእገታ ትውጣ !” የሚለው ጥያቄ ሲያነሱ እስራኤል በበኩሏ “ሃማስ ትጥቁን ይፍታ !” በሚል የማይሞከር ቅድመ ሁኔታ ተስፋውን አጨልሞታል !

ከሁሉም በላይ የሚያሳዝነው የፍልስጥኤምና የእስራኤል ግጭት በተቀሰቀሰ ቁጥር በአቅመ ደካማና በንጹሃን ታዳጊ ህጻናት ላይ የሚያርፈው በትር ልብን በሃዘን እንደሰበረ መሆኑ ውስጥን ያደማል ። በደል ግፉ ባላባራባት የፍልስጥኤም የደም ምድር በጋዛ በሞት የሚቀጠፈው የንጹሃን ነፍስ ፣ አካለ ስንኩል የሚሆነው ግፉዕ ፣ ከተወለደበት ቀየ የሚፈናቀለውን ዜጋ አበሳ ሁኔታ መመልከት ሰላም ይነሳል !

በፍልስጥኤማውያን የውስጥ ምርጫ ውዝግብን ተከትሎ ፖለቲከኞቸ ለሁለት ሲከፈሉ እስራኤሎች ስራውን ሰርተውታልና ያገኙትን እድል ተጠቀሙ ጋዛንና “ነውጠኛ አሸባሪ ” የሚሉትን ሃማስን ከቀረው ቀረው ፍልስጥኤም ጋር ለያዩት ። ወላጅ ከልጅ ፣ ቤተሰብ ከቤተሰብና ፣ ዘመደ ከአዝማዱ በገዛ ሃገሩ ተለያየ ። ፍልስጥኤም በገዛ ሃገራቸው በሰማይ ምድሩ የማያዙ ከመሆን አልፈው በቀያቸው ስደተኛ ሆነው መኖር ግድ አላቸው። መከራቸው በዚህ ቢያከትም መልካም ነበር … ግን አልሆነም ! እውነቱ ይህ ሆነና ትናንትም ዛሬም የሚታየው ሰቆቃ በጨቋኝና በተጨቋኝ “ዝሆኖች ” መካከል የሚደረገው ፍትጊያ ውጤት እልቂት ለመሆኑ ምስክሮች ሆንን ። ምክንያት እየተፈለገ የሚያልቁት የሚፈላለጉት ባላንጣዎች አለመሆናቸው ዛሬም ያሳዝናል …

” ዝሆኖች” በተራገጡ ቁጥር እንደ ሳሩ የሚደቁ ፣ የሚደቆሱ ንጹሃኑ ናቸው:( ይህም የሁለት ኩታ ገጠም እህታማች ሃገራት ንጹሃንን ውሎ አዳር አክፍቶታል። ከራማላህ እስከ ከቴልአቢብ ፣ ከእየሩሳሌም ጋዛና ራማላህ ያልታጠቁ ንጹሃን በስጋት ሽብር ሰለባ ሆነዋል። የአንባጓሮው ውጤት የሰው ልጅ መከራ እንዲገፍት ከማድረግ ባለፈ መገዳደሉ ባተረፈው ጥላቻ እና ቂም ጎረቤቶች በጉርብትና ሊያኖራቸው የሚችለውን ሰላማዊ ቀጣይ ህይወት እየበጠበጠው ይገኛል …

የጋዛ ፍልስጥኤናውያንን አስለቅሶ እያደማቸው ያለውን የእስራኤል ጦር እየተፈታተኑ ያሉት የሃማስ የጦር ክንፍ አባላት በእስራኤል ሰማይና ምደር እያሳዩት ያለው የመከላከል የማይጨበጥ ስልት እና ቆራጥነት እና ብርታት ለደጋፊዎቻቸው የባለድልነት ስሜት ማጫሩ ባይከፋም እየተከፈለ ያለው መስዋዕትነት ንጹሃን በዚህ ደረጃ ያልተገበረበት ቢሆን መልካም ነበር ! ለአንድ ወር እስራኤሎች በከፈቱት መጠነ ሰፊ ጥቃት ግፍ ፈጻሚው ወታደር አፈሙዙን ድረስ ግንባራቸውን እየሰጡ “ግደሉን አንፈራም !” የሚሉ ፍልሰጥኤማውያንን ታዳጊዎች ፍርሃት ሳያበራግራቸው እያሳዩት ያለ ወኔ ግፍ ያመጣው ቢሆንም ቅሉ በዚህ ደረጃ ከታዳጊዎች የሚጠበቅ አልነበረም! … ወደድንም ጠላንም ታዳጊዎች ልበ ሙሉ ሆነው ከአንጋች ጋር የመጋፈጣቸው ሚስጥሩ ፣ ግፍ በዝቶ በውስጣቸው የቋጠሩት ጥላቻ እና በቀል ለመሆኑ ጥርጣሬ የለኝም ። ምስኪን ምንዱባኑ ታዳጊዎች ሰቆቃውን አይተውት ፣ ተነግሯቸው ብሎም አስተናግደውት ሰቆቃው እልኸኛ አድርጓቸዋል ! በደሉ ሲገነፍል ደግሞ እሳት የጎረሰውን መሳሪያ የሚሸሽ ሰብዕና ያጣሉ ፣ ያመራሉ! ወንድም እህታቸውን ፣ ዘመድ አዝማድ ወገናቸውን ከጨረሰው እሳት ጎራሽ ጠመንጃ ከያዘው ወታደር ጋር ጉርቦ ለጉሩቦ ሲተናነቁ አይተናል ! በቃ ህይወት በዚያ ምድር እንዲህ ሆናለች :( Read more…

ዜና

የበርማ የስደት መንግስት ለነጻነት ትግል አስኳል በመሆን የመራው የትግል ተሞክሮ (የሽግግር ምክር ቤት)

August 25th, 2014